July 22th 2022

點解減極都咁肥 !

試過斷食又試過狂飲水,亦試過餐餐食低熱量食物,脂肪總係緊緊擁抱,甚至乎日日跑步,點解總是係失敗收埸

有無諗過其實當中有好多生活習慣影響你呢,快啲睇睇你中左邊幾樣


1.睡眠不足

日日保持有 7 小時既充足睡眠

一日之計在於晨,早睡早起絕對唔係口號黎嫁 ! 因為睡眠不足會令身體產生荷爾蒙變化,而變化最大既兩種激素就係 瘦體素 飢餓素, 係咪覺得愈夜愈肚餓呢,其實主要都係因為捱夜身體會釋出更多既飢餓素,而瘦體素會因應個人既睡眠時間影響變化多與少

 

 

 

換言之,睡眠愈少,瘦體素就會愈少,對食慾更加毫無抵抗力,而當你一旦步入由大腦發出訊號鼓勵你進食垃圾食物既陷阱時,一切已經演變成習慣 ,最後便會慢慢形成肥胖。而人既身體作息時間一般由晚上23:00開始,最佳入睡時間係介乎於23:00 - 24:00 左右,睡當然作為香港人既一份子,深深理解到工時長既困局,所以大家一定要珍惜睡眠時間,如果唔係連訓覺都要追更就好慘啦


2.花天酒地

都市生活離不開酒精,你又知唔知咩酒熱量最高,而咩酒可以輕微幫助新陳代謝,去到夜晚10點鐘 ,John約你出黎飲兩杯,以為真係飲兩杯Dry martini,原來飲啤酒灌喉,而誰不知於啤酒下面居然還有俗稱Nuts既小食,當中亦不乏蝦條炸物,酒醉5分醒既你自然口痕順手就放落口,難怪坊間話流傳啤酒熱量唔高

選擇較純的啤酒,避免高糖添加物

其實係啤酒配食物先至高 ! 飲 5 罐再加埋小食已經突破500卡路量,已經等於半碟干炒牛河啦 ! 酒既熱量係睇酒精度數,愈高濃度就愈高熱量,不過酒精一直都被身體視為優先分解既物質,所以會影響同時進入身體內既物質分解時間,屆時脂肪便會停留於身體內,形成肥胖。不過,啤酒其實都有好處既,裡面亦存在小量既微量營養素,只要唔好一次飲用太多,對減肥人士亦無太大影響既 !

 


3.飲水太少

一日要飲 8 杯水,你又有無飲夠呢 ! 其實 8 杯水即係2000ML,不過呢個都係國際標準黎,未必適合每個人,簡單黎講其實女士們若體重只有45公斤,飲6杯水已經足夠,如50公斤,則7杯水,如此類推,而永遠記得必須要在早上起身後飲一杯暖水,因為可以即時排走一個晚上積累既毒素

要留意餐後不能飲用太多水,因消化液會被水沖淡從而影響食物吸收消化,湯既原理一樣,飯前飲係絕對比飯後飲更佳呀!


4.出汗 ≠ 燒脂

 

好多人以為做運動出汗就已經係減肥,所以大部分人鐘意係健身室裡面慢活,其實咁樣既效率係非常低嫁 ! 首先你要理解跑步減肥既原理,跑步係以消耗熱量同燃燒體內脂肪為首要目標,但若果你以每日慢跑2分里為訓練餐單,減肥效率一定會比快跑800米低好多,原因在於慢跑未能達到讓身體分解脂肪既條件,簡單講解 : 心跳率未能達到身體燒脂既程度,咁點先至達到呢,一般普遍算法為

運動時最高心跳率:

(220-年齡or最大心跳率*0.8/min(每分鐘心跳)

 

 

所以最佳既跑步時間適宜控於在30-45分鐘內,利用10分鐘時間熱身,然後維持心跳率達至高強度狀態大既20-25分鐘,以上將提供不同年齡層面既高強度心跳率列表比你地參考

 

 

所以長時間泡浸係健身室並唔一定係好嫁,科學減肥先係最重要,同埋當然要量力而為,唔好一下子就越級挑戰呀 !


5.過份清淡

成日怕食油膩野? 食唔緊要,最緊要係食健康既油,好多人以為完全戒油就一定會瘦,其實係錯嫁,身體需要適量既油去補充脂肪酸,脂溶性維生素。呢啲良性脂肪對減肥人士係有絕對既幫助,好似過肥既人士通常伴隨好多容易發炎既症狀,而Omega-3 既油脂就可以充分發揮佢對身體既好處,如減低發炎機率同溶解頑固脂肪。煮食盡量使用檻欖油,而平日都透過魚油補充平日較少食用既Omega-3 。


Sunday,Monday,Tuesday,Wednesday,Thursday,Friday,Saturday
January,February,March,April,May,June,July,August,September,October,November,December
Not enough items available. Only [max] left.
Add to WishlistBrowse WishlistRemove Wishlist
Shopping cart

Your cart is empty.

回到商店

Add Order Note Edit Order Note
Estimate Shipping
Add A Coupon

Estimate Shipping

Add A Coupon

Coupon code will work on checkout page